Nachere churze „Babypause“ mached mir euses Wägeli ade Binzikerstrass in Grüenige wieder uf. Chömmed verbii am Sunntig vom 11i bis am 14.00 simmer det und es gits feini Sache zum probiere und chaufe. Nachher isch sWägeli wieder vo Mittwuch bis Sunntig offe, därfed eu sälber bediene und per TWINT oder Bar vor Ort zahle.
am 15.Septämber ufem Chlaushof bide Julia Brülisauer und em Rico Dubach gits eusi feine Mais Knäcker zum chaufe und probiere. Mir freued eus uf ganz villi Bsuecher.:-)
Am 23.März simmer in Bäretswil am Basar, zugunschte vom Verein Autismus Schweiz. Mir sind scho zum zweite Mal debii und es isch für eus unglaublich schön das mir sones tolls Projekt vode Judith Zahnd därfed understütze. Chömmed au verbii, mir freued eus! 🙂
Am 29. Mai eröffned mir euses eigete Verchaufswägeli in Grüenige. Mir händ eus scho so lang druff gfreut und jetzt isches äntlich sowiit!! Das mues natürlich gfiired wärde. Vom 12i bis am 4i simmer vor Ort und möchtet mit Eu astosse. sWägeli befindet sich in Grüenige ade Binzikerstrass, näbed de Chäshütte und vis a vis…
Weiterlesen
… de Oschterhaas chunnt au bi eus verbii. 🙂 Und bringt ganz vill feini Oschterhäsli Fruchtufstrich. Feini Kreatione wiä Erdbeer Rhabarber, Chriesi Magebrot oder Mango Rüebli chönd ab sofort vorbstellt werde. Eifach es WhatsApp schriibe uf 077 485 68 76 🙂
Danke villmal für de tolli Uftrag wo mir händ därfe mache. 80 feini Mini Gönfeli sind bstellt worde für en tolle Alass. 🙂 Ganz feini Gnuss Kreatione sind entstande, Erdbeer Rhabarber und Zwätschge Glüehwii.
Am Samschtig 10.12.2022 isch wieder Wiähnachtsmärt in Bäretswil, mir sind flissig am vorbereite und produziere…. Hmmmm das schmöckt denn fein nach Guetzliduft….
Am 10.12.2022 simmer am Wiähnachtsmärt in Bäretswil mit ganz vill feine Sache, debii hämmer eusi gluschtige Fruchtufstrich, Wiähnachtsguetzli, brännti Mandle und euse Mais Knäcker. Mir freued eus uf ganz vill Bsuech 🙂
Momentan händ mir an Lager: Aprikose Truube, beschwipsti Melone, Birrä Läbchueche, Chriesi, Chriesi Himbeer, Chriesi Magebrot, Chürbis, Erdbeer Rhabarber, Erdbeer Zimt, Himbeer Chriesi, Johannisbeeri (Gelee), Johannisbeer Amaretto, Mango Rüebli, Mirabelle, Quitte (Gelee), Rhabarber, Öpfelstrudel, Öpfel Zimt, Schoggibanane, Tomate, Tomate Chilli (passt zu Chäs), Wassermelone Nektarine, Zwätschge, Zwätschge Amaretto. Alli Gläsli sind mit 200g feinem Fruchtufstrich…
Weiterlesen
Am 29.10.2022 vom 9.00 bis am 16.00 ufem Wisshusplatz in Richterswil simmer wieder am Härbschtmärt. Mit ganz vill feinä Sache! Debii hämmer sicher eusi feinä Fruchtufstrich, Mais Knäcker, brännti Mandle, Liäblingschueche, Öpfelmues und diversi Gschänksetli.
