Mir produziered Fruchtufstrich mit weniger als 50% Zucker. Im Verglich zu „Gonfi“ hät Fruchtufstrich weniger Zucker drin und meh feini Frücht…. oder mängmal au Gmües. De fruchtigi Gschmack und Eusi ussergwöhnliche Kombinatione mached
euse Fruchtufstrich zu einzigartige Gaumeerläbnis.
Da immer wieder neui Kreatione entstönd, veränderet sich euses Sortiment laufend.
Wenn möglich holed mir dFrücht us de Region, vom Hoflade, direkt bim Buur oder usem Garte.
Falls du froh bisch wenn mer au bi dir verbi chömmed go Frücht abhole, abläse, erntä…. zum neui feini Fruchtufstrich zproduziere. Eifach mälde!
Eusi Mais Knäcker produziered mir mit feinem Linthmaismehl us de Bruhin Mühli in Tugge. Mit vill Liäbi, verschidene Chärnli, Oliveöl und Rosmarin entstaht eusä beliäbti Mais Knäcker. Ideal zum eifach so ässe oder zum dippe.
Achtung! Wär afangt ässe chan nüme ufhöre.
Euisi Mais Knäcker sind vegan, gluetefrei und laktosefrei
Euses Wägeli
Euses Wägeli staht in Grüenige ade Binzikerstrasse 31 direkt näbed de „Chäshütte“
Es isch offe vo Mittwuch bis Sunntig
Vom Morge am 9ni bis zAbig am 5ii
Wie chani pstelle?
Fruchtufstrich hemmer immer öpis an Lager. Fräg eus eifach über diä aktuelle Sorte..
Mais Knäcker, Amaretti, Guetzli & brännti Mandle, brennti Haselnüss prduzieremer gern uf Ahfrag.
Ah folgende Standort gits eusi Produkt zum chaufe:
Sandrea Wägeli
In Grüenige i eusem Sandrea Wägeli, ade Binzikerstrass 31 (Mo und Di gschlosse)
Hoflade am Kreisel
Im Hoflade vo de SNH-Soziale Netzwerke Wädenswil, Im Hoflade bim Chreisel
Direkt us de Produktion
In Bäretswil ade Bettswilerstrasse 12, uf Voramäldig
Das sind mir
Mir sind nöd nur Schwöschtere, mir sind: Sandrea – Sandra und Andrea
Eusi Liedeschaft
Mir baschtled, choched und bached vo Herzä gern und läbed eusi kreativi Adere handwerklich, wie au ide Chuchi us.
Mir sind immer offe für neui Ideeä, Ahregige und Komplimänt 🙂
